මරණයෙන් නැගිට ආ කොස්ටාරිකාව ග්‍රීසිය සිදුරු කරාවිද?

කොස්ටාරිකාව D මරණයේ කාණ්ඩයේ ජයග්‍රාහකයා වී ලෝක කුසලානය කම්පනය කලා!ඔවුන් පරාජය වෙයි කියාහිතපු උරුගුවේ තරඟයේ 3-1ට ජයගත්තේ ගෝල රකින්නා කේලර් නවාස් ගේ දක්‍ෂතාවය සහ හොඳ ආරක්‍ෂක ක්‍රමවේදයක් තිබුණු නිසා සහ ප්‍රහාරයේ හැකියාව!

කොස්ටාරිකාව විසින් පරාජය කලේ උරුගුවේ සහ ඉතා‍ලිය! එංගලන්තය සමයි! ඒ තිදෙනාම හිටපු ලෝක ශූරයන්! ඒ තිදෙනාම කොස්ටාරිකාවෙන් ගත්තේ එක ගෝලයයි. කොස්ටාරිකාවට ගෝලයක් ගහන එක පහසු නෑ! කේලර් නවාස් ගේ දක්‍ෂතාවය !



කොස්ටාරිකාවේ බ්‍රයන් රුයිස්, ජෝ කැම්බල්, ක්‍රිස්ටියන් බොල්නාස්ට මැදපෙලින් හොඳට බෝලය ලැබෙනවා! ප්‍රහාරයේදී ඔවුන්ගේ පැති ආරක්‍ෂකයන් මෙන්ම මැදි ආරක්‍ෂකයන්ද පෙරට පැමිණෙනවා!

ග්‍රීසිය 16 දෙනාගේ වටයට ආවේ ඉතා අපහසුවෙන් ඔවුන් දක්‍ෂ ලෙස තම ගෝලය ආරක්‍ෂා කලත්, සුපිරි ප්‍රහාරකයක් නෑ! ඔවුන් ලබාගන ඇත්තේ ගෝල 2යි! ඒ අයිවරි කෝස්ට් තරඟයේදී! එකක් වැරදි විනිශ්චයකින් ලද දඬුවම් පහරක්! එන්නට තුබුණේ අයිවරි කෝස්ට් බව විචාරකයන් කීවේ!

කොස්ටාරිකාවට ග්‍රීසියේ ආරක්‍ෂක දැල සිදුරු කරගත හොත් ගෝල ලබාගැනීමේ හැකියාවක් තිබෙනවා! තරඟයේ වැඩි වාසිය කොස්ටාරිකාවට!

ජූනි 28: උරුගුවේට සුවාරෙස් නැතිව කොලම්බියාව පරාජය කළ නොහැකිද?

උරුගුවේ කණ්ඩායම කොස්ටාරිකාව සමග කළ පළමු තරඟය පරාජය වූවේ සුවාරිස් නොමැතිව! සුවාරෙස් ක්‍රිඩා කල එංගලන්ත තරඟයේ ගෝල 2ක්!

ඉතාලිය 1-0 ලෙස පරාජය කළේ ආරක්‍ෂක දියාගෝ ගොඩින්! උරුගුවේ කණ්ඩායමේ බොහෝ අත්දැකීම් සහිතයි! ලෝකයේ සුපිරි කණ්ඩායම් වල ක්‍රීඩකයන්!

සුවාරෙස් සාධකය උරුගුවේට බ්‍රසීලයට නේමා වගේ! සුවාරෙස් වෙනුවට යොදවන ෆෝලාන් ප්‍රහාරකයකුට වඩා මැද පෙල ක්‍රීඩා කරන්නෙක්! එඩින්සන් කවානි ගෝල සහය! එක ගෝලයක් ලබා ගත්තා පරාජය වූ කොස්ටාරිකා තරඟයේදී දඬුවම් පහරකින්! සුපිරි ඉලක්ක කරුවෙක්!





කොලම්බියාව කාණ්ඩ වටයේදී ගෝල 9ක් ගසා ගෝල 3 ක් පමණක් දුන් කණ්ඩායමක්! දෙවැනි වූයේ ගෝල 10ක් ලබාගත් නෙදර්ලන්තයට පමණයි! කොලම්බියාව 16 වටයට ආවේ  කාණ්ඩයේ ජයග්‍රහකයා වෙලා! ජේම්ස් රොඩ්රිගස් ගෝල 3ක්! ඉතිරි 9 ක්‍රීඩකයන් 6 දෙනකු විසින්! කොලම්බියාවට ප්‍රහාරකයින් අඩුවක් නෑ! ඔවුන් ඉතා තරුණයි! වේගවත්! ප්‍රහාර කලාපයට කඩා වදිනවා වගේම පසු පසට ගොස් ආරක්‍ෂා කරනවා!

සුවරෙස් නැති තරඟයේ වැඩි වාසිය කොලම්බියාවට!

ජූනි 29: නෙදර්ලන්තයේ ලෝක කුසලාන බාධකය මැක්සිකෝද?

නෙදර්ලන්තය ලෝක කුසලාන ගමන ආරම්භ කලේ ස්පාඤ්ඤය 5-1 ට පරාජය කරලා! දැනට ගෝල 10ක්! වැඩිම ගාන! 2010 ලෝක කුසලානය ඔවුන්ගෙන් ගිලිහී ගියේ එක ස්පාඤ්ඤයේ ගෝලයකින්!

නෙදර්ලන්තයෙන් ස්පාඤ්ඤය, චිලී, ඕස්ට්‍රේලියාව ලබාගත්තේ ගෝල 3යි! පිටියේ නෙදර්ලන්ත භාගයේ ක්‍රීඩකයන් නව දෙනකු නිතර සිටින්නේ ප්‍රතිවාදී කණ්ඩායමේ වරදක් සිදුවන තුරු! ඔවුන් බෝලය ලබාගන ආජන් රොබන් හෝ වැන් පර්සිට දානවා! විරිජ් දකුණෙන් හා ඉන්ඩි වමෙන්ද ප්‍රහාරක කලාපයට එනවා! ජන්මත්, ව්ලාර් පසුපසින්!

ඊට පිලිතුරක් B කාණ්ඩයේම තිබුනේ නෑ!

මැක්සිකෝව කඩා පනින ක්‍රමයකට හැම පැත්තෙන්ම ප්‍රහාර එල්ල කරන කණ්ඩායමක්! ඔවුන් බ්‍රසීලය 0-0 ට නතර කලා! නෙදර්ලන්ත ක්‍රමවේදයට මැක්සිකෝව ආජන් සහ වැන් පර්සිට හෙවනැල්ල වගේ සිටින ක්‍රීඩකයන් යොදාවි! 

මැක්සිකෝවේ ගෝල රකින්නා ගුලිමෝ ඕචා ඔවුන්ගේ වීරයා! දැනට බෙල්ජියමේ ගෝල රකින කෝටියස් සමග රන් අත්වැසුමට තරඟයක! ඔහු පැරදවීම නෙදර්ලන්තයේ ප්‍රථම අභියෝගය! 

කණ්ඩායම් දෙක හොඳින් ක්‍රීඩා කරන අතර මැක්සිකෝව බ්‍රසීලය සම වී, අනෙක් කණ්ඩායම් දෙක පරාජය කලා! නෙදර්ලන්තය B කාණ්ඩය සුණු විසුණු කලා! ගෝල 10ක්! නෙදර්ලන්තය 2010 නැතිවුන ලෝක කුසලානය ගන්න මේ වර ලැස්තිය. එහෙත් ඔවුන් මැක්සිකෝ බාධකය තරණය කළ යුතුයි!

ජූනි 28 : බ්‍රසීලය සහ ස්පාඤඤය පැරදවූ චිලී විවරණය

බ්‍රසීලය සහ චිලී  - ලෝක කුසලානයේ අවසාන තරඟය තරම් උණුසුම් හා වේගවත් තරඟයක් බලන්න දැන්ම ලෑස්ති වන්න.

කාණ්ඩ වටයේදී බ්‍රසීලය ගෝල 7ක් ලබාගත්තා! ක්‍රොඑ්ශියවෙන් 2යි, මැක්සිකෝවෙන් 0යි!  මැක්සිකෝවට හා ක්‍රොඑ්ශියාවට 0-1, 0-4 ට පරාජය වූ කැමරූන් ගෙන් 4යි!

තරඟාවලියේ කැමරූන් ලබාගත් එකම ගෝලය බ්‍රසීලයෙන්!

බ්‍රසීලය ජයග්‍රහණය කළ තරඟ වලදී ගෝල වෙනස ඇති කළේ නේමා!
නේමා බ්‍රසීලයේ තුරුම්පුව! බ්‍රසීලයේ ආරක්‍ෂාව හොඳයි! ගෝල රකින්නා සුපිරි නොවේ! මාසෙලෝ, ෆ්‍රෙඩ් හා හලක් තවම ඉහල දස්කම් දක්වා නෑ. කණ්ඩායමක් වශයෙන් බ්‍රසීලය ශක්තිමත්! රසිකයන් ඔවුන් සමග!
අවසාන තරඟය දක්වා බ්‍රසීලය යන එක ලෝක කුස‍ලානයට දීප්තියක්!
5

චිලී ඉතා වේගයෙන් ක්‍රීඩා කරන කණ්ඩායමක්! ඔවුන් ලෝක ශූර ස්පාඤ්ඤය 2-0 ට පරාජය කළා! ඕස්ට්‍රේලියාව 3-1ට, නෙදර්ලන්තයට 0-2ට පැරදුනා! ඔවුන් ලබාගත් ගෝල 5 ගත්තේ ක්‍රීඩකයන් 5 දෙනෙක්! Charles Aranguiz (1), Jean Beausejour (1),
Alexis Sanchez (1), Jorge Valdivia (1), Eduardo Vargas (1).  එක ක්‍රීඩකයකු මත ඔවුන් රඳා පවතින්නේ නෑ.
ඒක වාසියක්!.

ඇලෙක්සි සැන්චේස් බාසිලෝනාවේ ප්‍රහාරකයෙක්! නේමා අවාට පසු ඔහුට මැද පෙලට යන්න වුනා! ඇ‍ලෙක්සි සැන්චේස් මැද පෙල ක්‍රීඩා කරමින් තරඟ 54කදී බාසිලෝනාවට ගෝල 21 ක් ලබා දුන්නා!

නේමා බාසිලෝනාවට තරඟ 41 කදී ගෝල 15ක් ලබා දුන්නා!
දෙදෙනා අතර තරඟය ආකර්ශණීය වෙයි. දැවැන්තනෙදර්ලන්තයට පැරදුන චිලීට බාධාවක් උනේ ඔවුන්ගේ උස මහත! ව්ලා, ජන්මත්, බ්ලන්ඩි යෝදයන් වගේ තම ගෝලය ආරක්‍ෂා කරනවා!

චිලී පැරදුන තරඟයේ  අරටුඩෝ විඩාල් ක්‍රීඩා කලේ නැහැ, ජුවෙන්ටස් ක්‍රීඩා කරන අරටුඩෝ විඩාල් මැදපිටියේ තරඟ මෙහෙයු! ඔහු ක්‍රීඩා කරද්දී චිලී කණ්ඩායම ස්පාඤ්ඤය පරාද කලේ!


චිලීට බ්‍රසීලය සම තරම! හදිසියේ කඩා පනින, අත නොහැර ගහන, වේගවත් චිලී ලෝක කුසලානය කණපිට පෙරලන්න සූදානම්! ඔවුන්ට වෙන විකල්පයක් නෑ! බ්‍රසීලයට තම අභිමානය රැක ගත යුතුයි!

බ්‍රසීලයේ ලෝක කුසලාන ගමන වලක්වන්න හැකි කණ්ඩායමක් චිලී!

නේමා කැමරූන් තරඟයේදී වඩා හොඳින් ක්‍රීඩා කලා! ඩැනී අ‍ල්විස්,ලුයිස්, ඔස්කා හොඳින් ක්‍රීඩා කලොත් තරඟය බ්‍රසීලයට වාසි ගෙන දේවි!

කහපත් ගොඩක් දෙන පාපන්දු යුද්ධයක් නරඹන්න!
රතුපතක් කාටවත් නොලැබේවා ප්‍රාර්ථනා කරන්න.

චෙලීනි හැපූ සුවාරෙස් ලෝක කුසලානයෙන් එලියට!

ඉතාලිය හා උරුගුවේ අතර තරඟයේදී ඉතාලියේ චෙලීනි හපා කෑ උරුගුවේ හා ලිවර්පූල් ප්‍රහාරක සුවාරෙස්ට මාස 4 ක තරඟ තහනමක් පනවා තිබෙනවා ලෝක පාපන්දු සංගමය විසින්!  මීට පෙර ප්‍රීමියර් ලීගයේදී චෙල්සි ක්‍රීඩ බානිසලව් ඉවනොවික් හැපූ සුවාරෙස්ට තරඟ 10 ක තහනමක් පැණවිනි.

16 වටයේදී උරුගුවේ ජූනි 28 ඉරිදා අළුයම 1.30ට C කාණ්ඩයේ පෙරමුණ ගත් කොලම්බියාව සමග තරඟ කරයි. සුවාරෙස්ට උරුගුවේ කණ්ඩායමට ඉදිරි තරඟ ව‍‍ලට ක්‍රීඩා කිරීමට අවසර නෑ!

lලෝකය පුරාම මාධ්‍ය හා පාපන්දු ලෝලීන් සුවාරෙස්ගේ ක්‍රියාව පිලිබඳ දක්වා තිබෙන ප්‍රතිචාර මේ! 


නමුත් සුවාරෙස් කියන්නේ ඔහු චෙලීනී ගේ උරහිසේ හැප්පුනු  බවයි!
මේ වීඩියෝව බලා සිතන්න!

ඩොලර් 65000 ක දඩයක් සහ අන්තර්ජාතික තරඟ 9ක තහනමක් ඔහුට පණවා ඇති අතර මාස 4 කාලය තුල පාපන්දු ක්‍රීඩා කිරීම තහනම්. ලුවිස් සුවාරෙස් ලිවර්පූල් සමාජයෙන් පවුම් මිලියන 80කට මාරු කරගැනීමට බලාපොරොත්තුවූ බාසිලෝනා ක්‍රීඩා සමාජය දැන් එය පවුම් මිලියන 50කට ඉල්ලා ඇත. ලිවර්පූල් තම මුදල පවුම් මිලියන 75කට අඩුකර ඇත.

තුන්කොන් සටනේ ජය ඇමරිකාවට! ඇමරිකාව 16ට

ඝානාව පරාජය කර පෘතුගා‍ලයට සමවූ ඇමරිකාව අද ජර්මනිය හමුවේ 0-1 පරාජයට පත්වූවත් පෘතුගා‍ලය විසින් ඝානාව පරාජය කල හේතුවෙන් කණ්ඩායමේ දෙවැනියා වී 16 වටයට ගියේය.

ඒ තරඟයයේ වීඩියෝව මෙතනින්

ඇමරිකාව 16 වටයේදෛ තරඟ වදින්නේ බෙල්ජුයම සමගයි!

බෙල්ජියම කොරියාව පරදවා 16ට!

බෙල්ජියම දකුණු කොරියාව 1-0 ලෙස පරාජය කරමින් 16 වටයට ගියා.

කොරියාව තම අවසාන තරඟය ජයග්‍රහණය කිරීමට උපරිම වෙහෙසක් දැම්මා! ඔවුන් බෙල්ජියම සමග කරට කර තරඟ කළේ 51%තරඟ කාලය බෝලය ඔවුන් ලඟ තබා ගනිමින්, ප්‍රහාර 18ක් එල්ල කරමින්, ඉන් 12ක් ඉලක්කයට!  කෝණ පහරව‍ල් 7ක් ලබාගත් කොරියාව බෙල්ජියමේ ගෝල ප්‍රහාර 9ක් රැක ගත්තා.

තරඟය දෙපැත්තටම දෝලනය වද්දී 78 වන විනාඩියේදී ආරක්‍ෂක ජෑන් වර්ටනිගෙනි (#5) ගෝලයක් ලබාගන බෙල්ජියම ජයග්‍රහණය කලා! 
තරඟයේ වීරයා වර්ටන්ගෙන්.

ඒ අපූරු තරඟයේ වීඩියෝව මෙතනින්!

බෙල්ජියමට 16 වටයේදී හමුවන්නේ ඇමරිකාව!
බෙල්ජියමේ ප්‍රහාරක හසාඩ් ලෝක කුසලාන තරඟාවලියේ තවමත් ගෝලයක් ලැබී නැහැ!

ඇමරිකාව පෘතුගාලය, ජර්මනිය හා ඝානා සමග මරණයේ කාණ්ඩයක සිට ගෝල 4ක් ලබා 4ක් දී 16ට ආවේ! බෙල්ජියම 4 ක් ලබා දී ඇත්තේ 1 ගෝලයයි! ඔවුන්ගේ ආරක්‍ෂක කම්පැනි එංගලන්ත ලීග ශූරතාවය දිනූ මැන්චෙස්ටර් සිටි ආරක්‍ෂක හා නායක!  බෙල්ජියමේ ගෝ‍ල රකින්නා කෝටෝයිස්, වයස 22, ඔහු ලෝකයේ දක්‍ෂතම ක්‍රීඩකයෙක්!  එමනිසා සුුුපිරි ආරක්‍ෂාවක්!

හොඳ තරඟයක් තිබෙවි!

ඇල්ජීරියාවේ ස්ලිමානි රුසියාව 16න් එලියට දමයි!

ඇල්ජීරියාව ලෝක කුසලානයට ආවේ ප්‍රථම වතාවට!
H කාණ්ඩයේ බෙල්ජියම, කොරියාව සහ රුසියාවට ඔවුන් අභියෝග කලා!
බෙල්ජියමට 1-2 නූලෙන් පරාදයි!
කොරියාව 4-1ට ජයග්‍රහණය කළා!
රුසියාවට අද ඔවුන් සමඋනා 1-1

ඇල්ජීරියාවේ ප්‍රහාරක ස්ලිමානි, මැදපෙල ෆෙගෝලි ඉතා දක්‍ෂ ලෙස ක්‍රීඩා කළ අද තරඟයේ ඇල්ජිරියාව 47% ක කාලයක් බෝලය තබාගත්තා, ගොල ප්‍රහාර 8ක් එල්ල කළා! 6ක්ම ඉලක්කයට! ඔවුන් ක්‍රීඩා කලේ ලෝක කුසලාන අවසාන තරඟයකට වගේ!

රුසියාව එල්ල කල ප්‍රහාර 7කින් 6 ක් ඇලිජීරියාව වැලකුවා!  6 වන විනාඩියේදී රුසියාව ගෝලයක් ලබාගත්තා. තරඟය රුසියාව පැත්තේ තිබුනත් ඇල්ජීරියාව නොනවත්වාම ප්‍රහාර එල්ල කළා!

60 වන විනාඩියේදී ප්‍රහාරක ඉස්ලාම් ස්ලිමානි ගෝලයක් ලබාගන ඇල්ජීරියාව 16 වටයට එකතු කළා!

ඔවුන්ට 16 වටයේදී මුණ ගැසෙන්නේ ජර්මනිය!

ප්‍රහාරක ස්ලිමානි (13), මැද පෙල ෆෙගෝලි (10), බ්‍රාහිමී (11) , ආරක්‍ෂක බෙල්කලෙම් (4) දක්‍ෂ ලෙස ක්‍රීඩ ක‍ලා. බ්‍රාහිමී පසුගිය ලා ලීගයේ බාසිලෝනාව පරාජය කළ ග්‍රැනඩා කණ්ඩායමේ ක්‍රීඩකයෙක්. ස්මානි ස්පෝටිං ලිස්බන් ප්‍රහාරක! ඔහු අද තරඟයයේ වීරයා!

තරඟයේ වීඩියෝව මෙතනින්!

ඇන්ඩ්‍රොයිඩ් සඳහා සිංහලෙන් World Cup ඇප් එකක්!

ලෝක පාපන්දු කුසලානය සිංහලෙන් තරඟ , සිදුවීම්,ඡායාරූප සහ වීඩියෝඇන්ඩ්‍රොයිඩ් ජංගම දුරකථන සඳහා මෘදුකාංගයක් නිදහස් කර තිබෙනවා. කපුටා.com, Cinnoman IT හා Insperia එකතුව නිර්මාණය කළ  srilankafootballfan ඇන්ඩ්‍රොයිඩ් මෘදුකාංගය ස්ථාපනය කිරීමෙන් ඉතා පහසුවෙන් FIFA 2014 ලෝක කුසලානයේ තොරතුරු ලබා ගත හැකිය.

එය මෙතනින් ලබාගන්න.

#srilankafootballfan mobile App

හරි වෙලාවට හරි තැන - මුලර් නේමා මෙසී සමකරයි!

ජරමනිය සහ ඇමෙරිකාව සමග අද පැවති තරඟයේ ඇමරිකාව දැඩි ලෙස මහන්සි වූයේ ජයග්‍රහණය කෙස් වෙතත් තරඟය සම කරගන ලකුණක් ලබා 16 ට යාමටය. ඊට හේතුව යම් හෙයකින් ඝානාව එ් වේලාවේම යෙදී සිටි පෘතුගාල තරඟය ජයග්‍රහණය හෝ වැඩි ගෝල ගණනකින් සම කලහොත් ඇමරිකාවට 16 වටය යාමක් නොවන නිසාය.

ඉතාම ආරක්‍ෂාකාරීව ක්‍රීඩා කල අමෙරිකාව බොලය තබා ගත්තේ තරඟ කාලයෙන් 37% කි. එහෙත් ජර්මනයට අනතුරුදායක පැති ප්‍රහාර කිහිපයක්ද එල්ල කලහ. ජර්මනියේ මිරස්ලෝව් ක්ලෝස් උත්සාහ කල පහසු හා ආසන්න ගෝලයක් වැරදුනි. ජර්මනිය හරස් ප්‍රහාර 27ක් සහිත ගෝල ප්‍රහාර 13ක් උත්සාහ කළහ. 7 වතාවක් ජර්මන් ක්‍රීඩකයෝ ඕෆ්සයිඩ් වීම දුර්වලතාවයකි.



55 විනාඩියේදී ඇමරිකානු ගෝල රකින්නා ටිම් හොවාඩ් වලකා ලූ බෝලයක් තමන් වෙතට එද්දී මීටර් 22 ක දුර සිට ජර්මනියේ තෝමස් මුලර් ඉලක්කයට ගෝලයේ වම් පසට එල්ල කල පහරින් ජර්මනියට ජය අත් කර දුනි.



2010 ලෝක කුසලානයේ රන් සපත්තුව දිනාගත් තෝමස් මුලර් නේමා හා මෙසී සමකලේ තම 4වන ගෝලයෙනි. ලෝකයේ සුවිශේෂී මැදපෙල ප්‍රහාරකයකු වන මුලර් ගේ විශේෂතම හැකියාව "හරි වෙලාවට හරි තැන සිටීම" බව ජර්මන් පුහුණුකරු ලෝ ජොකිම්ව පවසයි.
මුලර්ට තරඟයේ වීරයා සම්මානය!

ඝානාව සහ රොනල්ඩෝ සමුගනී! ඇමරිකාව 16ට!

අද පැවති ඝානා පෘතුගාල තරඟය බලාපොරොත්තුවූ අයුරින්ම වේගවත් වූ අතර අවසන් මිනිත්තව වන තෙක් ඕනෑම දෙයක් සිදුවීමට ඉඩ තිබිණි. රොනල්ඩෝ ඉලක්කයට එල්ල ක‍ල ප්‍රහාර 3 ක් ඝානාවේ ගෝල රකින්නා වන ස්ටෙපාන් ඇඩම්ස් නිසා වැලකුණි. 

තරඟය 2-1ට දිනුවද ගෝල 3 ක් අඩුවීම හේතුවෙන් පෘතුගාලය වෙනුවට 16 වටයට ගියේ ඇමරිකාවය. පෘතුගාලයේ පසුබෑමට හේතුවූ ප්‍රධාන කාරණයක් වන්නේ ප්‍රථම තරඟයේදී ආරක්‍ෂක පෙපේගේ නොමනා ක්‍රියාව නිසා ලද රතු පතය. එම තරඟයේදී පෘතුගාලයට 10 දෙනකුගෙන් ක්‍රීඩා කිරීමට සිදුවූ අතර ගෝල 5ක් වැදුනි. 

ඝානාවේ අසමෝ ගයාන්ද දක්‍ෂ ලෙස ක්‍රීඩා කල අතර ඔහුගේ ප්‍රහාර ගෝල රකින්නා විසින් රැක ගත් අතර ඉලක්කය නොමැති වීම නිසා  ඝානාවේ ප්‍රහාර ගණනාවක්ම අපතේ ගියේය. 


වීඩියෝව 

Photo: AP/Themba Hadebe • Video on fifa.c

අද තරඟයේ වීරයා වූ රොනල්ඩෝ ඉදිරි යුරෝපීය තරඟ සමයේදී හමුවිය හැකිවේ.

බෙල්ජියමේ ගෝල පිපාසය ! ඇල්ජීරියාව සමහ රුසියාව! 16 සිහිනය කාටද?

ඇල්ජීරියාව සහ රුසියාව අද රාත්‍රී 9.30ට

ඇල්ජීරියාව සහ රුසියාව අතර තරඟය දෙපිලටම ඉතා වැදගත්!
ජයග්‍රහණයක් කරන්නාට 16 වටයේ දොර ඇරේ. තරඟය සමවූවහොත් ඇල්ජීරියාවට වාසනාව! වේගවත් ඇල්ජීරියාවට ආරක්‍ෂාව සවිමත් රුසියාව කෙසේ මුහුණ දේවිද?

බෙල්ජියම සහ කොරියාව අළුයම 1.30ට
ඇල්ජීරියාව සහ රුසියාව 2-1 සහ 1-0 ලෙස පරාජය කළ කාණ්ඩයේ පළමුවැනියා වන බෙල්ජියම, රුසියාව සමග සමවී ඇල්ජීරියාවට 2-4 ලෙස පැරදුනු කොරියාව සමග තරඟයෙන් ඉතිරි ලකුණු තුන දිනාගැනීමයි අරමුණ! 





ගෝල හිඟයක් තිබෙන බෙල්ජියමේ හසාඩ්! කෙවින් ඩි බ්‍රයුන් අද ගෝල පිපාසය සන්සිඳවා ගන්නට හදනු ඇත. 




කොරියාවට තිබෙන එකම අවස්ථාව වැඩි ගෝල 3 සමග ඇ‍ල්ජීරියාවට හා රුසියාවට වඩා ගෝල ලබා බෙල්ජියම් තරඟය දිණීමයි.

අවසාන තරඟ 2! 
වැඩි ගෝල බලාපොරොත්තු වන්න. #බෙල්ජියමේ ගෝල පිපාසය ! ඇල්ජීරියාව සමහ රුසියාව! 16 කාටද?